संघ र प्रदेशको निर्वाचन मंसिर ४ मा गर्ने घोषणा

काठमाडौँ- आज बसेको मन्त्रिपरिषद्को बैठकले प्रतिनिधि र प्रदेशसभाको निर्वाचन मंसिर ४ गते एकै चरणमा गर्ने घोषणा गरेको छ ।

सत्ता गठबन्धनका शीर्ष नेताहरुको बैठकले आगामी मंसिर ४ गते निर्वाचन गर्ने सहमति अनुसार सरकारले चुनावको मिति घोषणा गरेको हो ।

प्रधानमन्त्री देउवाले निर्वाचन घोषणाबारे प्रमुख प्रतिपक्षी दल एमाले, सभामुख र कानुनविद्लगायत सरोकारवालासँग यसअघि नै परामर्श गरिसकेका थिए ।

उनले गत मंगलबार मन्त्री र सचिवलाई बोलाएर चुनावको मिति छिट्टै घोषणा हुने भन्दै तयारीमा लाग्न निर्देशन दिएका थिए ।