अर्थमन्त्री शर्माले दिए पदबाट राजीनामा

काठमाडौँ – आज संसदमा आफ्नो धारणा राख्दै अर्थमन्त्री जनार्दन शर्माले पदबाट राजीनामा दिएका छन् । शर्मामाथि राजीनामाको चौतर्फी दबाब बढेपछि उनले राजीनामाको घोषणा गरेका हुन् ।

अर्थमन्त्री शर्मामाथि बजेटबारे अनाधिकृत व्यक्तिको प्रवेशमा करका दर हेरफेर गराएको विषय छानबिन गर्न ११ सदस्यीय संसदीय विशेष छानबिन समिति गठन भएको छ ।

समितिले १० दिन भित्रमा सत्यतथ्य छानबिन गरी घटनाको यथार्थ बाहिर ल्याउनेछ । अर्थमन्त्री शर्माले समितिलाई काम गर्नमा आफ्नो तर्फबाट पूर्ण सहयोग रहने पनि बताएका छन् ।