खुलमलटारमा प्रचण्ड र राजेश हमालबीच भेटवार्ता

काठमाडौँ- अभिनेता राजेश हमाल र नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ बीच भेटवार्ता भएको छ । शुक्रबार बिहान अभिनेता हमाल प्रचण्डलाई भेट्न खुलमलटार पुगेका थिए ।

कलाकार चेतन सापकोटाका अनुसार भेटमा समसामयिक राजनीतिक, नेपाली चलचित्र क्षेत्रका समस्या र समाधानका उपाय लगायतका विषयमा कुराकानी भएको थियो ।

उनले सामाजिक संजाल फेशबुकमा लेखे, “नेपाली राजनीतिका महानायक र नेपाली चलचित्रका महानायकबीच भेटघाट । राष्ट्रिय तथा अन्तर्राष्ट्रिय राजनीतिक चासो र चिन्ता । दुवै नायक प्रफुल्ल।”

भेटवार्तामा चलचित्र विकास बोर्डको अध्यक्ष नियुक्तिदेखि अभिनेता हमालको आगामी राजनीतिक यात्राको बिषयमा छलफल भएको बुझिएको छ ।