वामदेव गौतम : नयाँ पार्टीको घोषणा

काठमाडौँ- नेकपा एमालेका पूर्वउपाध्यक्ष वामदेव गौतमले नयाँ पार्टी घोषणा गर्ने र कम्युनिस्ट एकतामा जोड दिने भएका छन् ।

राष्ट्रिय एकता अभियानका प्रचारविभाग प्रमुख निमाकान्त पाण्डेका अनुसार आज अपराह्न कार्यक्रम आयोजना गरेर राजनीतिक दल घोषणा गर्न लागेका हुन् ।

दल घोषणाका लागि दिउँसो ३ बजे भृकुटीमण्डपमा कार्यक्रम आयोजना गौतमले गरेका छन् ।

राष्ट्रिय सभाका सांसद रहेका गौतम नेपालका वामपन्थी दलहरुको एकै स्थानमा ल्याउन अभियान सञ्चालन गर्दै आएका थिए । उनको पार्टीको नाम एकता राष्ट्रिय अभियान हुने बताइएको छ ।