आज पनि फोहोर बोकेका गाडी अवरोध

काठमाडौँ- माग सम्बोधन नगरी अभियन्तालाई बिना जानकारी सहमति गरेको भन्दै आज पनि बन्चरेडाँडामा काठमाडौँको फोहोर विसर्जन गर्न स्थानीयले रोक लगाएका छन्। काठमाडौ महानगरपालिका वातावरण विभागीय प्रमुख सरिता राईका अनुसार बुधबार बिहानैदेखि स्थानीयले आन्दोलन गरी फोहोरका गाडीलाई ल्यान्डफिल साइड जान रोक लगाएका छन् ।

स्थानीयले मंगलबार बिहानैदेखि काठमाडौँ महानगरपालिकाले प्रहरी परिचालन गरी फोहोर विसर्जन गरेको थियो । विभागीय प्रमुख राईले आज पनि स्थानीयको अवरोध भएकाले प्रहरी परिचालन गरी फोहोर विसर्जन गर्ने तयारी रहेको जानकारी दिएकी छिन् ।

सोमबार काठमाडौ महानगरपालिका,शहरी विकास मन्त्रालय र स्थानीय जनप्रतिनिधिबीच सहमति गरी मंगलबारदेखि फोहोर उठाउन थालिएको थियो ।