असार १ गतेबाट आइतबारको बिदा हट्ने

काठमाडौँ- इन्धन खपत कम गर्ने भनेर सातामा दुई दिन बिदा दिने निर्णय सरकारले फिर्ता लिएको छ ।

स्वास्थ्य तथा जनसंख्यामन्त्री विरोध खतिवडाका अनुसार सिंहदरबारमा बसेको मन्त्रिपरिषद बैठकले सातामा दुई दिन बिदा दिने निर्णय खारेज गरेको हो । उनले असार १ गतेबाट लागू हुने गरी आइतबारको बिदा हटेको जानकारी दिएका छन् ।

सोमबार हप्तामा दुई दिन बिदा दिने निर्णय खारेजको माग गर्दै सर्वोच्च अदालतमा रिट दायर भएको थियो । रिट निवेदनमाथि आजका लागि पेसी तोकिएको सर्वोच्च अदालतले जनाएको छ ।

मन्त्रिपरिषद्को बैठकले सेना र प्रहरीमा पदोन्नतिको केही निर्णय पनि गरेको मन्त्री खतिवडाले जानकारी दिएका छन् ।