प्रतिलिटर ५ रुपैयाँले बढ्यो पेट्रोल, डिजेल र मट्टितेलको मूल्य

काठमाडौं – नोक्सानी बढेको भन्दै इन्धनको मूल्य नेपाल आयल निगमले बढाएको छ ।

पेट्रोल, डिजेल र मट्टितेल प्रतिलिटर ५ रुपैयाँले निगमले बढाएको हो । यो संगै अब काठमाडौं उपत्यकामा पेट्रोलको मूल्य प्रतिलिटर १६० रुपैयाँ र डिजेल र मट्टितेलको मूल्य १४३ रुपैयाँ पर्ने भएको छ । त्यस्तै खाना पकाउने ग्यासको मूल्य प्रतिसिलिण्डर २५ रुपैयाँ बढाएर १६ सय कायम गरिएको छ ।

बढेको मूल्य मंगलबार राति १२ बजेदेखि लागू हुने निगमले जानकारी दिएको छ । यसअघि निगमले चैत २ गते पेट्रोलियम पदार्थको भाउ बढाएको थियो।