पेट्रोलको मूल्य १५० पुग्यो, डिजेल/मट्टीतेल प्रतिलिटर १३३

काठमाडौं- पेट्रोलको मूल्य नेपाल आयल निगमले बढाएको छ । बिहीबार मध्यरातदेखि लागू हुने गरी पेट्रोल, डिजेल र मट्टितेलको मूल्य निगमले बढाएको छ ।

निगमले जारी गरेको नयाँ मूल्य सूचीअनुसार पेट्रोलको मूल्य प्रतिलिटर १५० रुपैयाँ पुगेको छ भने निगमले डिजेल र मट्टीतेल प्रतिलिटर १३३ रुपैयाँ मूल्य तोकेको छ । निगमले हवाई इन्धनको मूल्य प्रतिलिटर १३६ रुपैयाँ कायम गरेको छ । एलपिजी ग्यासको मूल्य भने निगमले बढाएको छैन । निगमले एलपिजी ग्यास प्रतिसिलिन्डर मूल्य १ हजार ५७५ रुपैयाँ यथावत् राखेको छ ।

इन्डियन आयल कर्पोरेसनले पेट्रोलियम पदार्थको मूल्य बढाएर पठाएको र यसबाट निगमलाई एक महिनामा नै अर्बौं घाटा हुने भन्दै निगमले विज्ञप्ति जारी गरेको एक साता पनि नपुग्दै पेट्रोलियम पदार्थको मूल्य बढाएको हो ।