प्रधानमन्त्री देउवा भेट्दै थप १६ लाख डोज खोप अनुदानमा दिने चीनको निर्णय

काठमाडौँ- नेपाललाई छिमेकी देश चीनले थप १६ लाख डोज खोप अनुदानमा दिने भएको छ । चिनियाँ राजदूत होउ यान्छीले सो कुरा शुक्रबार दिउँसो प्रधानमन्त्री शेरबहादुर देउवालाई भेट्न बालुवाटार पुगेपछि बताएकी हुन् ।

राजदूत यान्छीले चीन सरकारले नेपाललाई थप खोप दिने निर्णय गरेको जानकारी दिएकी हुन् ।यसअघि चीनले नेपाललाई १८ लाख डोज खोप अनुदानमा दिइसकेको छ भने नेपालले किनेको ४० लाख डोज खोपमध्ये ८ लाख डोज आइसकेको छ ।

यस्तै प्रधानमन्त्री देउवाले खोप सहयोगका लागि चीन सरकारलाई धन्यवाद दिएका छन् ।