देउवाको प्रधानमन्त्री पदमा नियुक्ति र शपथ आज

काठमाडौँ- नेपाली कांग्रेसका सभापति शेरबहादुर देउवालाई सर्वोच्च अदालतको परमादेशअनुसार राष्ट्रपति कार्यालयले आज प्रधानमन्त्री पदमा नियुक्ति गर्ने र शपथग्रहण गराउने तयारी सुरु गरेको छ ।

सोमबार सर्वोच्च अदालतबाट भएको फैसलाको पूर्ण पाठ राष्ट्रपति कार्यालयमा साँझ प्राप्त भएपछि सचिवालयले त्यसको अध्ययन सुरुसँगै नियुक्ति तथा शपथको तयारी थालेको हो ।

सर्वोच्च अदालतको फैसला प्राप्त भएको र अन्य विषयमा टुङ्गो लागिनसकेको राष्ट्रपतिका प्रमुख स्वकीय सचिव डाक्टर भेषराज अधिकारीले जानकारी दिएका छन् ।

मङ्गलबार ५ बजेभित्रै कांग्रेस सभापति देउवालाई प्रधानमन्त्री पदमा नियुक्त गर्ने र शपथ गराउने तयारी भइरहेको राष्ट्रपति कार्यालयका एक अधिकारीले जनाएका छन् ।