पसल खोल्न दिने, सार्वजनिकि गाडी चलाउन नदिने सरकारप्रति यातायात व्यवसायी असन्तुष्ट

काठमाडौँ- सरकारले अधिकांस देशमा जारी रहेको निषेधाज्ञा केही हदसम्म खुकुलो बनाएको निजी सवारीसाधन जोर-बिजोर गरी सञ्चालन गर्न दिएको छ ।

सार्वजनिकि यातायात व्यवसायीहरु भने निजी सवारीसाधन सञ्चालन अनुमति दिने सरकारको यस निर्णयप्रति असन्तुष्ट छन् । निजी सवारीसाधन मात्र चलाउन दिएर सरकारले भेदभाव गरेको सार्वजनिक यातायात राष्ट्रिय महासंघले ‍बताएको छ ।

काठमाडौँमा पछिल्लोपटक थपिएको निषेधा१ा असार १४ गते सकिँदैछ । त्यसपछि पुनः थप हुन्छ वा हुँदैन भन्ने निर्णय भएको छैन । तर‚ महासंघले भने त्यस दिनदेखि लामो तथा छोटो दूरीका सार्वजनिक यातायात चलाउन पाउनुपर्ने माग गरेको छ ।करिब दुई महिना जारी निषेधाज्ञाले अर्बाैं रुपैयाँ घाटा भएको महासंघका महासचिव सरोज सिटौलाले बताएका छन् ।

उनले भने, “सरकारले निजी सवारीसाधन भने चल्न दियो तर हामीलाई भने विभेद गरियो । किन हामीलाई पेलिएको हो थाहा भएन।” उनले सरकारले सार्वजनिक यातायात सञ्चालन गर्न दिएमा पूर्ण स्वास्थ्य सुरक्षाको मापदण्ड पालना गर्ने दाबी समेत गरेका छन् ।

देशभर सार्वजनिक यातायातसँग जोडिएका ११ लाख श्रमिक भएका र उनीहरूको रोजीरोटी गुमेकाप्रति सिटाैलाले चिन्ता व्यक्त गरेका छन् । उनका अनुसार उपत्यकामा करिब चार लाख सवारीसाधन छन् । जसमा यात्रु चढ्ने सवारीसाधन मात्रै साढे तीन लाख रहेका छन् ।

सिटौलाले पसल सञ्चालन गर्न अनुमति दिने सरकारले सवारीसाधन किन सञ्चालन गर्ने नदिएको भन्दै आक्रोस पोखेका छन् । उनले भने, “पसलहरू सबै खोल्न दिइयो, तर हामीले किन सरकारले हेरेन । ११ करोड रुपैयाँ यातायातमा लगानी छ, बैंक र बिमा अफिसले फोन गरेर दबाब दिइएको छ, तिर्ने पैसा छैन, साधन चलेका छैनन्, कसरी तिर्ने?”

निषेधाज्ञा अवधिभर सबै सवारीका ब्लुबुक, लाइसेन्स नवीकरणमा पूर्ण छुट दिनुपर्ने पनि उनको माग छ । गत बिहीबार यातायात मजदुरलाई कोभिड–१९ विरुद्ध खोप व्यवस्था गर्दै सार्वजनिक सवारी साधन सञ्चालन गर्न पाउनुपर्ने भनी महासंघ र मजदुर ट्रेड युनियनको प्रतिनिधिले संयुक्त रुपमा काठमाडौँका प्रमुख जिल्ला अधिकारी (सिडिओ) र यातायात व्यवस्था विभागका महानिर्देशकलाई भेट गरी माग गरेका थिए ।​