राष्ट्रपतिद्वारा खोपको लागि अनुरोध गर्दै अमेरिकी समकक्षी बाइडेनलाई पत्राचार

काठमाडौं- कोरोना भाइरसको नयाँ भेरियन्टले नेपालमा धेरै नै प्रभाव पारिरहेकोले राष्ट्रपति विद्यादेवी भण्डारीले खोप आपूर्तिका लागि अमेरिकी समकक्षी बाइडेनलाई पत्राचार गरेकी छन् । राष्ट्रपति भण्डारीले नेपाललाई खोप सहयोग गर्न र खरिदका लागि प्रबन्ध मिलाउन अनुरोध गर्दै पत्राचार गरेकी हुन् ।

राष्ट्रपतिको पत्र अमेरिकाका लागि नेपाली राजदूत युवराज खतिवडाले अमेरिकी स्टेट डिपार्टमेन्टका बरिष्ठ सल्लाहकार एर्भिन मासिंगालाई बुझाएका छन् । उक्त भेटमा राजदूत खतिवडाले मासिंगालाई नेपालमा भाइरस महामारीको अवस्था र खोप अभियानबारे जानकारी गराएका थिए ।

दूतावासले जवाफमा मासिंगाले नेपाललाई जतिसक्दो चाँडो कोभ्याक्स सुविधा र द्धिपक्षीय संयन्त्रबाट खोप उपलब्ध गराउन अमेरिकाले पहल गर्ने जानकारी दिएको जनाएको छ ।

राष्ट्रपतिले केही दिन यता आफ्ना समिकक्षीहरुसाग निरन्तर खोपका लागि पत्राचार र टेलिफेन सम्पर्क गरिरहेकी छन् । यस अघि नै भारतलाई पत्राचार गरिसकेको छ भने चीनसाग टेलिफेन वार्त गरेकी थिईन् ।

त्यसलगतै चीनले १० लाख खोप तत्काल दिने घोषणा गरेको थियो । खोप लिनको लागि नेपाल वायु सेवा निगमको वाईडवडि चीन प्रस्थान गरिसकेको छ ।