राष्ट्रपतिलाई ‘तिमी’ भनेको भन्दै देउवासँग रिसाए ओली

काठमाडौं- काँग्रेस सभापति शेरबहादुर देउवाले राष्ट्रपति विद्यादेवी भण्डारीलाई सम्मानजनक शब्द प्रयोग नगरेको भन्दै प्रधानमन्त्री केपी शर्मा ओलीले आक्रोश पोखेका छन् ।

प्रधानमन्त्री ओलीले काठमाडौंमा आयोजित एक कार्यक्रममा बोल्दै काँग्रेसले निकालेको बिज्ञप्तिमा राष्ट्रपतिलाई ‘तिमी, गरिन्’ जस्ता शब्दले सम्बोधन गरेको भन्दै आक्रोश व्यक्त गरेका हुन् ।

प्रधानमन्त्रीले भने, “राष्ट्रपतिलाई तपाई भन्नु हुन्न भन्ने ठान्छन् । असभ्य बोल्लने तिनीहरुनै आफूलाई महान ठान्छन् । सभापति देउवाको त्यो भाषा गणतन्त्रलाई खुइल्याउने खालको हो । काँग्रेस यो अवस्थासम्म पुगेछ अचम्म लाग्यो ।”