देश समृद्धिको बाटोमा अघि बढेको प्रदेश नं. १ मुख्यमन्त्री राईको भनाइ

नेकपा एमाले प्रदेश नं १ का मुख्यमन्त्री शेरधन राईले देश विकासको गतिमा अघि बढेको बताए । मुख्यमन्त्री राईले नेकपा (एमाले) भोजपुर काठमाडौं सम्पर्क मञ्चद्धारा आयोजित भित्ते पात्रो सार्वजनिक कार्यक्रममा नेकपाको सरकारले ३ वर्षमा विकासको उल्लेख्य काम गरेको उल्लेख गरे ।

सरकारले चुच्चे नक्सा सार्वजनिक देखि लिएर, रानी पोखरी पुन: निर्माण सम्पन्न, मेलम्चीको पानी, धराहरा पुन: निर्माण लगायत बाटो -घाटो पुल पुलेसा निर्माणमा कुनै पनि कसर बाँकी नराखेको बताए । आफनैं पार्टीका केही तत्वहरुले देश समृद्ध बनाउनमा अवरोध गरीरहेको धारणा राख्दैं समृद्ध नेपाल निर्माणमा वर्तमान सरकार पछि नहट्ने दाबी गरे ।
त्यसैगरी पूर्व पर्यटन मन्त्री कृपाशुर शेर्पाले नेकपा (एमाले) गाउँ वस्तीबाट एक भई र्जुमुराइरहेको बताए । उनले  जनतामा एमाले प्रतिको मोह, त्याग फैलिदो रहेकोले आफनो पार्टी समृद्ध नेपाल निर्माणमा कुनै पनि हालतमा नचुक्ने बताए ।

कार्यक्रममा मुख्यमन्त्री राईकी धर्मपत्नी एवम् प्रदेश १ की प्रथम महिला जांमु इन शेर्पा, प्रदेश सम्पर्क संगठन कमिटी अध्यक्ष ईन्द्र भण्डारी, पूर्व केन्द्रिय सदस्य पासाङ दोर्ची शेर्पा, प्रदेश सम्र्पक संगठन कमिटी सदस्य तथा पूर्व अध्यक्ष द्धय पारुहाङ्ग राई, रेजिन श्रेष्ठ, देश सम्पर्क संगठन कमिटी सदस्य शशी रोकाया लगायतका नेताहरुको उपस्थिति थियो भने भोजपुरबाट आएर काठमाडौं बस्दै आएका भोजपुरेहरुको बाक्लो उपस्थिति थियो ।
मञ्चका अध्यक्ष श्रीकृष्ण श्रेष्ठले देश विकास, समृद्ध नेपाल निर्माणमा पार्टीले खुट्टा कमाउन नहुने बताए । अब जनताले पार्टी ईतिहास र काम हेरेर भोट हाल्ने समेत दाबी गरे । वर्तमान सरकारको हातमा चुनौती र अवसर दुवैं रहेको हुँदा दुरगामी योजना बनाएर अघि बढन समेत सुझाए ।

सम्पर्क मञ्च पुर्नगठन भएपछि मञ्चले पहिलोपटक शुभकामना आदानप्रदान, चियापान, प्रशिक्षण तथा भित्तेपात्रो सार्वजनिक कार्यक्रमको सञ्चालन मञ्चको सचिव फूर्बा तेन्जिङ शेर्पाले गरेका थिए भने स्वागत कोषाध्यक्ष ढोकल आले मगरले गरेका थिए ।