आज धरहरा उदघाटन, तत्काल अवलोकन गर्न नपाइने

काठमाडौं- आज २०७२ को भूकम्पले भत्किएपछि पुनर्निर्माण गरिएको धरहरा शनिबार उदघाटन गरिँदै छ । धरहरा उदघाटन प्रधानमन्त्री केपी शर्मा ओलीले गर्न लागेका हुन् ।

उदघाटन कार्यक्रममा भने सीमित व्यक्तिहरुमात्र रहने छन् । राष्ट्रिय पुनर्निर्माण प्राधिकरणले कोरोना संक्रमणको जोखिमका कारण उदघाटन समारोहमा कसैलाई पनि नबोलाइएको जनाएको छ । तर उदघाटन कार्यक्रम अवलोकनका लागि वैकल्पिक व्यवस्था गरिएको प्राधिकरणले जनाएको छ ।

धरहरा उदघाटन गरिए पनि अवलोकन गर्न भने पाइने छैन । धरहरा पूर्णरुपमा तयार भइसकेको छैन

दुईवटा लिफ्ट र रंगरोगनको काम सकिएको छ । हाललाई एउटा मात्र लिफ्ट सन्चालन गरिएको छ । राष्ट्रिय पुनर्निर्माण प्राधिकरणका इञ्जिनियर राजुमान मानन्धरले पार्किङ क्षेत्र, बगैंचालगायतको काम जारी छ । धरहरालाई बलियो, आकर्षक र अपांगमैत्री बनाइएको बताए ।