मूल्य घटाउन माग

काठमाडौँ, फागुन  – नेपाल आयल निगमले एक हप्तामै दुुई पटक पट्रोलियम पदार्थको मूल्य वृद्धि गरेपछि विरोध चर्किएको छ । बिहीबार बबरमहलस्थित निगमको कार्यालयमा विद्यार्थीले धर्ना दिई मूल्य वृद्धि फिर्ता लिन ज्ञापनपत्र बुुझाए ।

कोरोनाको महामारीमा पनि जथाभावी कमिसन र कर थोपरेर उपभोक्तालाई मारमा पारेको भन्दै मूल्य वृद्धि फिर्ताका लागि अखिल नेपाल राष्ट्रिय स्वतन्त्र विद्यार्थी युनियन
(अनेरास्वीयु) ले ज्ञापनपत्र बुझाएको हो । तर निगमले भने मूल्य वृद्धि स्वाभाविक र नियमित प्रक्रिया रहेको जनाएको छध्र
निगमले विगत डेढ महिनादेखि चार पटक निरन्तर पेट्रोलयम पदार्थको मूल्य वृद्धि गरिरहेको छ । डेढ महिनाअघि प्रतिलिटर १०६ रहेको पेट्रोललाई अहिले ११४ रुपियाँ पु¥याएको छ । डिजेल पनि सोही अनुपातमा वृद्धि गरेको छ । एलपी ग्यासको प्रतिसिलन्डर २५ रुपियाँ वृद्धि गरेको थियो । आन्तरिकतर्फको हवाई इन्धन पनि वृद्धि गरेको थियो ।

अन्तर्राष्ट्रिय बजारमा तेलको मूल्य वृद्धि भएका कारण नेपालमा वृद्धि भएको निगमले जनाएको छ । भारतमा पनि निरन्तर बढिरहेको निगमका प्रवक्ता विनितमणि उपाध्यायले बताउनुुभयो । उहाँले भन्नुुभयो, “अहिले अन्तर्राष्ट्रिय बजारमा निरन्तर मूल्य बढिरहेको छ, नेपालमा मात्र निगमले मूल्य बढाएको होइन, अन्तर्राष्ट्रिय मूल्यअनुसार समायोजन गरियो ।

उहाँले अरू बढ्ने सङ्केत गर्दै निगमले घाटा बेहोरेर परिस्थितिअनुसार समायोजन गरेको भए पनि अहिले ग्यासमै प्रतिसिलिन्डर २९५ र डिजेल पेट्रोलमा पनि घाटा नै रहेको जनाउनुभयो ।

पन्ध्र दिनअघि अन्तर्राष्ट्रिय बजारमा कच्चा तेलको मूल्य प्रतिब्यारेल ६० डलर थियो भने अहिले ६५ डलर पुुगेको छ । निरन्तरको घाटा हल्का कम गर्न स्वचालितमूल्य सूचीअनुसार समायोजन गरिएको प्रवक्ता उपाध्यायको भनाइ छ ।

इन्डियन आयल कर्पोरेसन र नेपाल आयल निगमबीच सञ्चालन हुँदै आएको स्वचालित मूल्यसूची प्रणालीअनुसार हरेक १५, १५ दिनमा पेट्रोलियम पदार्थको मूल्य समायोजन गरिन्छ । निगमले माघ ५, २८ र फागुुन ४ गते मूल्य वृद्धि गरेको थियोध्र
नेपाल आयल निगमले इन्डियन आयल कर्पोरेसनसँग पेट्रोल प्रतिलिटर ५२, ५३ रुपियाँमा किन्छ तर उपभोक्तालाई प्रतिलिटर ११४ रुपियाँमा बेच्छ । डिजल प्रति लिटर करिब ५३, ५४ रुपियाँमा खरिद गर्छ र ९७ रुपियाँमा बिक्री गर्छ ।

खरिद गरिएको पेट्रोलियम पदार्थमा विभिन्न कर तथा कमिसन जोडिएको छ । निगमले आफ्नो प्रशासनिक खर्च भनेर प्रतिलिटर ६० पैसा उठाउँछ । ढुवानी भाडाबापत प्रतिलिटर चार रुपियाँ ५७ पैसा लिन्छ । पम्पलाई पेट्रोलमा प्रतिलिटर तीन रुपियाँ ३९ पैसा र डिजेलमा प्रतिलिटर तीन रुपियाँ १२ पैसा कमिसन दिइन्छ ।

निगमका अनुसार पेट्रोलियम पदार्थमा करको मार चर्को छ । पूर्वाधार विकास कर प्रतिलिटर १० रुपियाँ, वातावरण प्रदूषण कर प्रतिलिटर एक रुपियाँ ५० पैसा उठाइन्छ । साथै भन्सार शुल्क, सडक मर्मत, आयकर, बैङ्कको ब्याज लगायतका कर र खर्च पनि मूल्यमा नै समेटिएको छ ।