‘संसद विघटनको विरोध गर्ने लोकतन्त्रविरोधी हुन्’ -प्रधानमन्त्री ओली

काठमाडाैं-प्रधानमन्त्री केपी ओलीले संसद् विघटनको विरोधहरू गर्नेहरू संविधानविरोधी, लोकतन्त्रविरोधी, देशविरोधी, जनविरोधी र देशद्रोही भएको गम्भीर आरोप लगाएको आजको नयाँ पत्रिकाले समाचार छापेको छ।

समाचार अनुसार राजनीतिक दल, पूर्वप्रधानन्यायाधीश, संविधानविद् र नागरिक समाजले दुई वर्ष कार्यकाल बाँकी रहँदै र सरकार गठनका अन्य विकल्प कायम रहँदै भएको संसद् विघटन गैरसंवैधानिक र अलोकतान्त्रिक भएको बताएकै वेला उनीहरूप्रति लक्षित गर्दै प्रधानमन्त्री ओलीले अभिव्यक्ति दिएका हुन् ।

‘संसद् विघटन असंवैधानिक र अलोकतान्त्रिक भयो भनेर कराउने मान्छेहरू संविधानविरोधी, लोकतन्त्रविरोधी, देशविरोधी, जनविरोधी मान्छेहरू हुन्,’ अपांगता भएका व्यक्तिहरूको साक्षात्कार कार्यक्रममा आइतबार बोल्दै प्रधानमन्त्री ओलीले भने ।