लोकसेवा परीक्षा -मास्क अनिबार्यले नक्कली परीक्षार्थीको जोखिम

काठमाडौँ-संक्रमणको अवस्थामा परीक्षा सम्बन्धी मापदण्ड २०७७ लागु गरेर परीक्षा संचालन गर्ने लोकसेवा आयोगको तयारी छ।

मापदण्ड अनुसार परीक्षा हलमा परीक्षार्थीका लागि मास्क अनिबार्य गरिएको छ , जसबाट नक्कली परीक्षार्थी परीक्षामा सहभागी हुने जोखिम देखिएको छ। यो समाचार आजको नयाँ पत्रिका दैनिकले छापेको छ।

समाचार अनुसार कोरोना महामारी बीच लोकसेवा आयोगले स्थगित र नयाँ परीक्षाको कार्यतालिका धमाधम सार्बजनिक गरेको छ।

स्वास्थ्य सम्बन्धी मापदण्ड लागु गरेर कत्तिक देखि परीक्षा संचालन गर्ने लोकसेवाको तयारी छ। तर यसले नक्कली परीक्षार्थी बढ्ने जोखिम बढाएको छ।