फेसबुक अभियानबाटै ९ हजार सदस्य, ३ स्थानमा रक्तदान

काठमाडौ- सामाजिक संजाल फेसबुकमा सक्रिय केहि युवाहरुले फ्रेस ब्लड डोनर समुह बनाएर एक हप्तामा नै तीन स्थानमा रक्तदान कार्यक्रम संचालन गरेका छन्।

नेपालमा कोरोना संक्रमण बढिरहेको अवस्थामा मुलुक भरी नै रगतको अभाव हुने आंकलन गर्दै स्याङ्जाका युवा तथा सामाजिक अभियान्ता हरि ढकालले सुरु गरेको अभियानमा ९ हजार सदस्य बनेका छन्।

यो अभियानको संयोजन तथा रेडक्रस सोसाइटीको सहयोगमा भाद्र ७ गते पोखरामा पहिलो रक्तदान कार्यक्रम संचालन भएको छ।

सो कार्यक्रममा १६ जनाले रक्रदान गरेका थिए भने भदौ १० गते रेडक्रस सोसाइटी केन्द्रिय रक्तसञ्चार केन्द्र कालिमाटीमा दोस्रो पटक, १५ जनाले र भदै १३ गते काठमाडौको सामाखुसी ६२ जना गरि करिव ९० ले रक्तदान गरेका छन्।

अभियान अत्यन्तै राम्रो र समयको माग अनुरुप रहेको भन्दै विभिन्न सामाजिक ब्याक्तित्वहरुले प्रशंसा समेत गरेका छन् ।