निर्मलालाई न्याय देउ भन्दै प्रधानमन्त्रीको फोटोमा एक लाख ६० हजार कम्मेन्ट

काठमाडौं -प्रधानमन्त्री के पी शर्मा ओलीको फेसबुक फोटोमा निर्मलालाई न्याय देउ १ लाख ६० हजार बढी कम्मेन्ट गरिएको छ।

प्रधानमन्त्री ओलीको प्रोफ़ाईल फोटोमा युवाहरुको समुह मेन्स रुम रिलोडेड (एमआरआर ) ले निर्मलालाई न्याय देउ भन्दै कम्म्मेंट अभियान संचालन गरेका हुन्।

सेप्टेम्बर ११, २०१६ मा प्रधानमन्त्री ओलीले अपलोड गरेको फोटोमा गत १० घण्टा अघि शुरु गरिएको कम्मेन्ट अभियानमा अहिले सम्म १ लाख ६० हजार युवाले निर्मला पन्तको पक्षमा वकालत गरेका हुन्।

निर्मलालाई न्याय दिन ढिलो गर्नु नहुने भन्दै ‘निर्मल पन्तलाई छिटो न्याय देउ’ भन्दै कम्मेन्ट गरेका छन्।

कम्मेन्ट अभियानमा युवाहरुले ‘सरकार भेटियो, न्याय भेटिएन’ ‘ ढिलो न्याय दिनु, अन्याय गर्नु हो’ भन्दै अभियान संचालन गरेका छन्।

त्यस्तै शिक्षा मन्त्रिको प्रोफाईलमा समेत कमेन्ट अभियान चलाएका छन ! #savepokharauniversity लेखेर पोखरा विश्व विद्यालयको पक्षमा अभियान शुरु गरेका छन्।