आजदेखि बुधबारसम्म ठूलो वर्षा हुने, सतर्क रहन सबैलाई आग्रह

काठमाडौं-आजदेखि बुधबारसम्म लागातर नेपालभर ठूलो वर्षा हुने जल तथा मौसम विज्ञान विभागले जनाएको छ ।

विभागले ‘विशेष मौमस तथा बाढी बुलेटिन’ जारी गर्दै  १६ गतेसम्म ठूलो बर्षा हुने भएकाले उच्च सतर्कता अपनाउन सबैलाई आग्रह गरेको छ।

मनसुन न्यून चापीय रेखा नेपालको तराई भूभाग नजिक रहिरहने तथा पर्याप्त जलवाष्पयुक्त हावा पनि भित्रिरहने सम्भावना रहेकाले ३–४ दिनसम्म मनसुन सक्रिय हुने जानकारी दिएको हो

विभागका अनुसार साउन १३ गतेदेखि १५ गतेसम्म विशेषगरी गण्डकी, कर्णाली, सुदूरपश्चिम र प्रदेश नम्बर ५ का मध्य पहाडी भूभाग भई बहने जलसतह उल्लेख्य बढी र केही सतर्कता तह आसपास पुग्ने सम्भावना छ।