अध्यक्ष यादवलाई लक्षित गरेर बम प्रहार

सिरहा- नेपाल कम्युनिस्ट पार्टी (नेकपा) का नेता सुवर्ण यादवलाई लक्षित गरेर बम प्रहार भएको छ । शुक्रबार मध्यरातमा पूर्वगाविस अध्यक्षसमेत रहेका यादवमाथि बम प्रहार भएको हो ।

सुतिरहेका बेला यादवमाथि अज्ञात समूहले सिरहाको औरही गाउँपालिका–५ स्थित घरमा बम प्रहार गरेको बताइएको छ । उनको शरीरको विभिन्न भागमा बमको छर्रा लागेको छ । बेहोस् भएका उनलाई उपचारका लागि सिरहा सदरमुकाम लगिएको स्थानीय स्वास्थकर्मी महेश यादवले जानकारी दिएका छन् ।

स्वास्थकर्मी महेशका अनुसार बम विस्फोटले घरमा क्षति पुर्‍याएको छैन । छर्रा लागेर यादव कोठामै बेहोस् भएपछि बम प्रहार गर्नेलाई चिन्न सकिएको छैन ।

प्रहरीले पनि बम कसले प्रहार गरेको विषयमा केही खुल्न नसकेका जनाएको छ । प्रहरी चौकी औरहीले घटना विषयमा छानबिन सुरु गरिएको बताएको छ ।