प्रधानमन्त्री ओली गंगालाल हृदय रोग केन्द्रमा

काठमाडौं- प्रधानमन्त्री केपी शर्मा ओली स्वास्थ्यमा समस्या भएपछि गंगालाल हृदय रोग केन्द्रमा पुगेका छन्। उनी बालुवाटार निवासबाट बाँसबारीस्थित गंगालाल हृदय रोग केन्द्रमा पुगेका छन् । मुटुमा केही समस्या भएपछि उनी गंगालाल अस्पतालमा गएका हुन्।

प्रेस सल्लाहकार सूर्य थापाका अनुसार प्रधानमन्त्री ओली नियमित चेकजाँचका लागिअस्पताल जानु भएको हो । ‘कुनै समस्या भएर उहाँ अस्पताल जानु भएको होइन’, उनले भने, ‘यो नियमित चेकजाँच हो। भर्ना गर्ने गरी त्यस्तो कुनै समस्या भएको होइन ।’

बुधबार बालुवाटारमै उनीसहितको उपस्थितिमा नेकपा स्थायी कमिटीको बैठक बसेको थियो ।

उक्त बैठकमा बोलेका पाँचमध्ये चारजना सदस्यहरुले ओलीले दुवै पदबाट राजीनामा दिनुपर्ने माग गरेका थिए ।