महामारी फैलिन सक्ने अर्काे नयाँ भाइरस चीनमै फेला पर्‍याे

एजेन्सी – चिनमा महामारी बन्ने सम्भावना रहेको फ्लूको भाइरस फेला परेको वैज्ञानिकले बताएका छन् ।

यो भर्खरै देखा परेको भाइरसले पनि मानवमा संक्रमण गरी महामारीको रूप लिन सक्ने भन्दै उनीहरूले चिन्ता व्यक्त गरेका छन् ।

बीबीसीका अनुसार यो भाइरसले आफ्नो स्वरूप परिवर्तन गरी सहजै एकअर्कामा सर्न सक्ने भन्दै वैज्ञानिकले चिन्ता व्यक्त गरेका छन् ।

वैज्ञानिकको आनुसार यो कुनै तत्काल समस्या नभएपनि यो भाइरसले मानिसलाई संक्रमित गराउन सक्ने, तीव्र रूपमा फैलिन सक्नेलगायतका सबै खालका सम्भावना देखिएको बताएका छन् ।

यो भाइरस नयाँ भएकाले यस्तो भाइरसविरुद्ध मानिसमा प्रतिरोधात्मक क्षमता नहुने भएकाले सचेत हुनुपर्ने वैज्ञानिकहरूको चेतावनी दिएका छन् ।

वैज्ञानिकहरूले यो भाइरस नियन्त्रण गर्न स्वाइन उद्योगका कामदारहरूको नजिकबाट निगरानी राख्नुपर्ने बताएका छन् ।