लकडाउन साउन ७ सम्म लम्ब्याउने सरकारी निर्णय, यातायात र हवाई सेवा बन्द नै राख्ने

काठमाडौं- सरकारले थप तीन हप्ता लकडाउनलाई निरन्तरता दिने निर्णय गरेको छ । आज बसेको मन्त्रिपरिषद् बैठकले लकडाउन ७ साउनसम्मका लागि थप्ने निर्णय गरेको हो ।

लकडाउन अहिलेकै अवस्थामा खुकुलो रहने गरी थपिएको सरकारका एक मन्त्रीले जानकारी दिए । हवाई सेवा पनि ७ साउनसम्मका लागि बन्द गर्ने निर्णय गरिएको छ ।

लकडाउनमा विगतमा जस्तै शैक्षिक संस्था, मनोरञ्जन स्थल, सार्वजनिक यातायात चल्ने छैनन् ।