नेपाली ईतिहासको सुनौलो दिन : प्रतिनिधिसभाबाट निशान छाप सम्बन्धी संविधान संशोधन सर्वसम्मतले पारित

काठमाडौँ- आम नेपाली तथा नेपाल प्रति सद्भाव प्रकट गर्ने सम्पूर्ण देश तथा विदेशी नागरिकको शिर उच्च हुने गरी सरकारले प्रतिनिसभाको बैठकले नेपालको संविधान संशोधन विधेयक दोस्रो संशोधन २०७७ सर्वसम्मतले पारित भएको छ ।

आजको प्रतिनिधिसभाको बैठकले कानुन न्याय तथा संसदीय मन्त्री डा. शिवमाया तुम्वाहाम्फेद्वारा प्रस्तुत नेपालको संविधान संशोधन विधेयक दोस्रो संशोधन २०७७ संविधानको अंग बनोस् भन्ने प्रस्ताव सर्वसम्मतीले पारित भएको हो ।

भारतले अतिक्रमण गरेको नेपाली भूमि लिम्पियाधुरा, लिपुलेक तथा कालापानीसहित समेटेको नेपालको नयाँ राजनीतिक तथा प्रशासनीक नक्सालाई निशान छाप सम्बन्धी संविधान संशोधन सर्वसम्मतले पारित गरेको हो । यो संगै नेपालकाे भाैगाेलिक अखण्डता, एकता र सार्वभाैमसत्ताकाे पक्षमा अभूतपूर्व राष्ट्रिय सहमति भएको दिनको रूपमा समेत आजको दिन स्थपित भएको छ ।

छ दशक अघिदेखिकाे गल्ती सच्याउने अभूतपूर्व एकता, सहमति र ऐतिहासिक फैसला भएको छ । संविधान संशोधन भएसँगै देशव्यापी रुपमा दिपप्रज्वलन गर्ने कार्यक्रम समेत भइसकेको छ ।