कक्षा ११ र १२ को परीक्षा आन्तरिक मुल्यांकनबाट नमिलाउने

काठमाडौँ- कोरोना भाईरसको महामारीका कारण यस वर्षको एसईईको परीक्षा नलिने र आन्तरिक मुल्यांकनबाट मिलाउने निर्णय केहि दिन आघि भएको थियो । तर शिक्षामन्त्री गिरिराजमणि पोखरेलले कक्षा ११ र १२ को परीक्षा भने हुने भएको बताएका छन् ।

शिक्षामन्त्री पोखरेलले कक्षा ११ र १२ को भने परीक्षा लिनैपर्ने हुने बताए । उनले भने, ‘हामीले कक्षा १० र १२ को परीक्षा गर्नुपर्नेथियो । परिस्थिति सामान्य भएपछि परीक्षा हुन्छ ।’

उनले परीक्षा कहिले हुने भने खुलाएका छैनन् ।

अहिले ११ को परीक्षाको त्यस्तो हतार नभएको पनि उनले बताए । कक्षा चढाउनुपर्यो भने पछि परीक्षा गरेर पनि गर्न सकिने उनको भनाई थियो । ‘हामीले जेठभरिमा शिक्षासम्बन्धी सबै विषयमा स्पष्ट पार्दै जान्छौं भनेका थियौ त्यो हुँदैपनि गएको छ,’ पोखरेलले भने ।