गुल्मीमा क्वरेन्टीनमा बसेका चन्द्रबहादुरले गरे आत्महत्या

गुल्मी – गुल्मीमा क्वरेन्टीनमा बसेका एक व्यक्तिले आत्महत्या गरेका गरेका छन् । शनिवार भारतबाट घर फर्केका गुल्मीको छत्रकोट गाउँपालिका ४ का ५६ वर्षका चन्द्रबहादुर परियारले आत्महत्या गरेका हुन् ।

उनलाई स्थानीय आदर्श माध्यमिक विद्यालयको क्वरेन्टीनमा राखिएको थियो । शनिवार बेलुका शाौचालय जान क्वरेन्टीनबाट बाहिर निस्किएका उनी ढिलोसम्म नफर्केपछि खोज्दै जाने क्रममा क्वारेन्टीन नजिकै रहेको रुखमा झुण्डिएको अवस्थामा फेला परेका जिल्ला प्रहरी कार्यालय गुल्मीका प्रहरी उपरिक्षक राजेन्द्रसिंह खड्काले जानकारी दिए ।

आत्महत्या गर्नुको कारण खुलेकाे छैन । प्रहरिले घटनास्थलमा लास जाँचको मुचुल्का गरेपछि मात्र पोष्टमार्टमको तयारी गरेको छ ।