डोनाल्ड ट्रम्पले फेरि गरे चीनको आलोचना

एजेन्सी – अमेरिकी राष्ट्रपति डोनाल्ड ट्रम्पले फेरि चीनको आलोचना गरेका छन् । उनले हङकङलाई निशाना बनाएर ल्याइएको नयाँ सुरक्षा कानूनलाई लिएर चीनको आलोचना गरेका हुन् ।

अमेरिकाले हङकङको यात्रा तथा व्यापारलाई लिएर दिँदै आएको विशेष व्यवहार अन्त्य गर्न थाल्ने घोषणा पनि ट्रम्पले गरेका छन् ।

यस्तै ट्रम्पले विश्व स्वास्थ्य संगठन डब्लुएचओ सँगको अमेरिकी सम्बन्ध पनि ‘समाप्त’ गर्ने बताएका छन्।

चीनले भने पश्चिमा राष्ट्रहरुलाई हङकङमा दखल दिन बन्द गर्न आग्रह गरेको छ।

सुरक्षा सम्बन्धी नयाँ कानूनको विरोधमा हङकङमा प्रदर्शन हुँदै आएको छ । त्यसक्रममा प्रहरीले सयौँ प्रदर्शनकारीलाई पक्राउ गरेको छ ।