रिपाेर्ट आउन ढिला भएपछि भाग्याैं- क्‍वारेन्टाइनबाट भागेकाहरु

काठमाडौँ- कपिलवस्तु नगरपालिका ४ मलपरवास्थित सुन्दर आधारभूत विद्यालयबाट भागेर घर गएकालाई पुनः क्‍वारेन्‍टाइनमा फर्काइएको प्रमुख जिल्ला अधिकारी दीर्घनारायण पौडेलले बताएका छन् ।

सोमबार राति साँढे ९ बजे भागेका ४२ जनालाई आज मंगलबार बिहान फर्काएर ल्याई क्‍वारेन्टाइमै राखिएको हो।

उनीहरुले १४ दिनसम्म पनि कोरोना परीक्षणको रिपोर्ट नआएपछि आक्रोशित हुँदै क्‍वारेन्टाइन छाडेर घर गएका बताएका छन्।

अधिकारी पौडेलले भने रिपोर्ट केही दिनमा आउने उनले जनाए । उनले रिपोर्ट नआएसम्म सबैलाई क्‍वारेन्टाइनमै राख्ने पनि बताएका छन् ।