कोरोनाका कारण अमेरिकामा १ लाखको मृत्यु, झण्डै १७ लाखमा संक्रमण

काठमाडौं – अमेरिकामा कोरोना भाइरसको संक्रमणका कारण एक लाख भन्दा धेरैकाे मृत्यु भएको छ । विश्वभर ३ लाख ४६ हजारभन्दा बढीको मृत्यु हुँदा अमेरिका एउटै देशमा एक लाख व्यक्तिको मृत्यु भएको हो ।

अमेरिकामा संक्रमितको संख्या १६ लाख ८६ हजार नाघेको छ । सबैभन्दा बढी न्यूयोर्कमा २३ हजार व्यक्तिको मृत्यु भएको छ ।

अमेरिकामा पछिल्लाे एकैदिन ७ सय भन्दा धेरैकाे ज्यान गएकाे छ भने साढे ३ हजार संक्रमित थपिएका छन् । ४ लाख ५१ हजार निकाे भएर घर फर्किएका छन् । ११ लाख ३५ हजारकाे विभिन्न अस्पतालमा उपचार भैरहेकाे छ ।

विश्वभर संक्रमितको संख्या करिब ५५ लाख छन् । कोरोना संक्रमणबाट संसारभर २३ लाख व्यक्ति निको भएका छन् ।

सबैभन्दा बढी संक्रमितमा दोस्रो स्थानमा रहेको ब्राजिलमा ३ लाख ६३ हजार नाघेको छ । त्यहाँ २२ हजार ७ सयभन्दा बढीको मृत्यु भएको छ । रुसमा ३ लाख ४४ हजार संक्रमित हुँदा त्यहाँ मृतक ३५ सय रहेको छ ।