नेपालले जारी गरेको नयाँ राजनीतिक नक्सा स्वीकार्य हुँदैन – भारत

काठमाडौं – भारतले नेपालको जारी गरेको नयाँ राजनीतिक नक्सा स्वीकार्य नहुने प्रतिक्रिया दिएको छ । भारतीय विदेश मन्त्रालयले बुधबार विज्ञप्ति निकालेर नेपालले जारी गरेको नक्सामा आफ्नो भूभाग परेको दाबी गर्दै विरोध परेका हुन् ।

एकपक्षीय रुपमा गरेको यो कार्य ऐतिहासिक तथ्य र प्रमाणमा आधारित नभएको भन्दै उनले यो सीमा विवाद द्वीपक्षीय कूटनीतिक सम्वादमार्फत समाधान गर्ने समझदारी विपरित रहेको बताएका छन् ।

सीमा विवादमा भारतको अडानबारे नेपाल जानकार रहेको भन्दै भारतीय विदेश मन्त्रालयका प्रवक्ता अनुराग श्रीवास्तवले नेपाललाई यस्तो अनुचित दाबी नगर्न र भारतको सार्वभौमसत्ता र भौगोलिक अखण्डताको सम्मान गर्न आग्रह गरेका छन् ।

भारतले नोभेम्बरमा यसरी नै एकपक्षीय रुपमा नयाँ राजनीतिक नक्सा जारी गरेको थियो ।