भारतमा कोरोनाः यस्तो छ पछिल्लो अवस्था

काठमाडौँ – भारतमा कोरोना भाइरसका कारण हालसम्म भारतमा ३ हजार ३०२ जनाको मृत्यु भएको छ । मंगलबारमात्रै भारतमा कोरोनाका कारण १४६ जनाभन्दा बढीको मृत्यु भएको छ । ६ हजारभन्दा बढी संक्रमित फेला परेका छन् । भारतमा कोरोना भाइरसका कारण थप भयावहस्थिति सिर्जना भएको छ ।

भारतमा कोरोना भाइरसबाट संक्रमितको संख्या १ लाख ६ हजार नाघेको छ । संक्रमितमध्ये ४२ हजारभन्दा बढी निको भएर घर फर्किका छन् । गम्भीर कति छन् त्यसबारे भने रिपोर्ट दिइएको छैन ।

त्यस्तै लामो समयदेखि भारतमा लकडाउनको अवस्था रहेको छ । लकडाउनका कारण भारतमा सबैभन्दा ठुलो मारमा मजदुरहरु परेका छन् । उनीहरुलाई राहत प्याकेज घोषणा गरेतापनि उनीहरुले सहज रुपमा पाउन नसकेको अधिकारीहरुले जनाएका छन् ।