ब्राजिल कोरोनाको इपिसेन्टर बन्दै, यस्ताे छ पछिल्लाे अपडेट

एजेन्सी – अवस्थामा ब्राजिल कोरोना भाइरस संक्रमणको पछिल्लो इपिसेन्टर बन्दै गएको छ । पछिल्ला दिनमा ब्राजिलमा दैनिक १५ हजार हाराहारीमा संक्रमण फैलिरहेको छ ।

ब्राजिलमा पछिल्लो २४ घण्टामा १४ हजार ९ सय १९ जना नयाँ बिरामी भेटिएका छन् । पछिल्लो २४ घण्टामा ८१६ जनाको ज्यान गएको छ । परिक्षणको दायरा बढाउन नसक्दा ब्राजिलमा संक्रमितको संख्या अझै बढ्दै जान सक्ने भन्दै चेतावनी दिइएको छ । विश्वमै सबैभन्दा धेरै संक्रमित हुने देशको सूचिमा ब्राजिल पाँचौ स्थानमा छ ।

ब्राजिल भन्दा अघि बेलायत, स्पेन, रुस र अमेरिका रहेका छन् । ब्राजिलमा अहिलेसम्म २ लाख ४१ हजार ८० जना संक्रमित भएका छन् भने १६ हजार भन्दा धेरैको ज्यान गएको छ ।