आज दिउँसो वर्षासँगै बाढीको सम्भावना, सतर्क रहन आग्रह

काठमाडौं । कन्काई, कोशी र सहायक नदीमा पानीको बहाव बढ्न सक्ने भएकोले सतर्क रहन आग्रह गरिएको छ । आज अपरान्ह प्रदेश १, २ र बागमती प्रदेशका केही स्थानमा वर्षा सँगसँगै यी नदीमा पानीको बहाव बढ्न सक्ने भएकोले सचेत रहन आग्रह गरिएको हो ।

आज दिउँसोपछि प्रदेश १, २ र बागमती प्रदेशका केही स्थानमा पानी पर्ने र भोलि र पर्सि पनि यी प्रदेशका केही स्थानहरूमा हल्का पानी पर्ने सम्भावना रहेको मौसम पूर्वानुमान महाशाखाले जनाएको छ ।

वर्षातको सम्भावनासँगै नदी तटीय क्षेत्रमा सामान्य सतर्कताका साथ रहन सचेत गराइएको छ।

आगामी तीन दिनको मौसम पूर्वानुमान

जेठ ४ गते (आइतबार)

दिउँसोः  देशको पूर्वी  भू-भागमा सामान्य  बदली र मध्य तथा पश्चिमी पहाडी भू-भागहरुमा आंशिक बदली रही बाँकी भू-भागमा सामान्यतया मौसम सफा रहनेछ। पूर्वी भू-भाग लगायत मध्य तथा पश्चिमी पहाडी भू-भागका थोरै स्थानहरुमा अपरान्हपछि  मेघगर्जन/चट्याङ्ग/असिना र हावाहुरी  सहित   वर्षाको सम्भावना रहेको छ।

रातीः  देशको पूर्वी  पहाडी  भू-भागमा लगायत मध्य तथा पश्चिमी पहाडी भू-भागहरुमा आंशिक बदली रही बाँकी भू-भागमा मौसम सामान्यतया सफा रहनेछ। पूर्वी भू-भागका एक/दुई स्थानमा  मेघगर्जन/चट्याङ्ग/असिना र हावाहुरी  सहित   वर्षाको सम्भावना रहेको छ।

जेठ ५ गते (सोमबार)

दिउँसोः  देशको पूर्वी  भू-भागमा र मध्य तथा पश्चिमी पहाडी भू-भागहरुमा मध्यान्न पछि सामान्य  बदली रही बाँकी भू-भागमा सामान्यतया मौसम सफा रहनेछ। पूर्वी भू-भाग लगायत  मध्य तथा पश्चिमी पहाडी भू-भागका थोरै स्थानहरुमा अपरान्हपछि मेघगर्जन/चट्याङ्ग/असिना र हावाहुरी  सहित   वर्षाको सम्भावना रहेको छ।

रातीः  देशको मध्य तथा पूर्वी  पहाडी  भू-भागमा सामान्य  बदली र तथा पश्चिमी पहाडी भू-भागहरुमा आंशिक बदली रही बाँकी भू-भागमा सामान्यतया मौसम सफा रहनेछ। देशका पहाडी भू-भागका एक/दुई स्थानमा मेघगर्जन/चट्याङ्ग/असिना र हावाहुरी  सहित   वर्षाको सम्भावना रहेको छ।

जेठ ६ गते (मंगलबार)

दिउँसोः  देशको पूर्वी  भू-भागमा सामान्य बदली र मध्य तथा पश्चिमी पहाडी भू-भागहरुमा आन्शिक बदली रही बाँकी भू-भागमा मौसम सामान्यतया सफा रहनेछ। पूर्वी भू-भागका थोरै र मध्य तथा पश्चिमी पहाडी भू-भागका एक/दुई स्थानमा अपरान्हपछि मेघगर्जन/चट्याङ्ग/असिना र हावाहुरी  सहित   वर्षाको सम्भावना रहेको छ।

रातीः  देशको मध्य पहाडी तथा पूर्वी  भू-भागमा आन्शिक बदली र तथा बाँकी भू-भागमा सामान्यतया मौसम सफा रहनेछ। देशका पहाडी भू-भागका एक/दुई स्थानमा मेघगर्जन/चट्याङ्ग/असिना र हावाहुरी  सहित   वर्षाको सम्भावना रहेको छ।

आगामी २४ घण्टाका लागि चेतावनी तथा परामर्श (Warning/Advisory for next 24 hours):

पूर्वी भू-भाग लगायत मध्य तथा पश्चिमी पहाडी भू-भागका थोरै स्थानहरुमा  मेघगर्जन/चट्याङ्ग/असिना र हावाहुरी  सहित  वर्षाको सम्भावना रहेकोले सतर्कता अपनाउन हुन अनुरोध छ।