धुलिखेल अस्पतालमा सुत्केरी मृत्युको कारणबारे अध्ययन हुँदै : स्वास्थ्य मन्त्रालय

काठमाडौं- धुलिखेल अस्पतालमा मृत्यु भएकी सुत्करीको मृत्युको कारणबारे अध्ययन भइरहेको स्वास्थ्य तथा जनसंख्या मन्त्रालयले जानकारी दिएको छ ।

मन्त्रालयका प्रवक्ता डा विकास देवकोटाले उनको मृत्युको कारणबारे अध्ययन भइरहेको र मन्त्रालयले विस्तृत विवरण आएपछि मात्र सार्वजनिक गर्ने तयारी गरेको जानकारी दिएका छन् ।

उनको शुक्रबार राती उपचारका क्रममा सिन्धुपाल्चोकबाट आएकी एक सुत्केरीको मृत्यु भएको थियो । उनको मृत्यु कोरोनाका कारण भएको हल्ला चले पनि मन्त्रालयले कोरोनाका कारण उनको मृत्यु पुष्टि भइनसकेको जानकारी दिएको छ ।