वडा अध्यक्षको छोरा भारतबाट आएर क्वावरेन्टाईन नबसी सिधै घरमा

सप्तरी – सप्तरीको बोदे बर्साइन नगरपालिका– ६ का अध्यक्ष जयराम साहका छोरा भारतबाट आएर क्वारेन्टाईनमा नबसी सिधै घर गएको तथ्य खुलेको छ ।

वडा अध्यक्षले भारतमा अध्ययनरत आफ्ना छोरालाई क्वारेन्टाईनमा नराखी सिधै घर लगेका हुन् । उनी बुधबार राति घर आएका छन् । भारतबाट आएका छोरालाई वडा अध्यक्ष साहले घरमै परिवारसँगै राखेका छन् ।

अरुलाई सीमाबाट छिर्न रोक लगाइए पनि वडा अध्यक्षका छोरा कसरी घर आइपुगे भनी स्थानीयले आश्चर्य व्यक्त गरेका छन् । बोदे बर्साइन नगरपालिका ५ स्थित मावि बोदे बर्साइनको क्वारेन्टाइनमा उनलाई पठाइएको वडा अध्यक्षले बताए पनि बिहीबार रातिसम्म क्वारेन्टाइन पुगेका छैनन् ।

बोदे बर्साइन नगरपालिकाका स्वास्थ्य संयोजक एवं क्वारेन्टाइन प्रमुख ऐयुब राइनले वडा अध्यक्षका छोरा क्वारेन्टाइनमा नआएको बताए ।