कोरोनाको औषधी बनाउन भारत र पाकिस्तानका ५ कम्पनीसँग अमेरिकी कम्पनीको सम्झौता

नयाँदिल्ली –  अमेरिकी कम्पपनीले भारत र पाकिस्तानका कम्पनीसँग कोरोनाका बिरामीका लागि औषधी उत्पादन गर्न सम्झौता गरेको छ।
बिरामीका लागि अमेरिकामा प्रयोग भइरहेको औषधि रेमडेसिभिरको निर्माता गिलिएडले भारत र पाकिस्तानका पाँचवटा औषधि उत्पादक कम्पनीसँग सम्झौता गरेको हो ।

दुई मुलुकमा उत्पादित औषधि एक सय २७ वटा मुलुकमा पुर्‍याउने गिलिएडले लक्ष लिएको छ ।

विभिन्न मुलुकमा गरिएको क्लिनिकल परीक्षणमा रेमडेसिभिरको प्रयोगबाट १५ दिनको साटो बिरामी ११ दिनमै ठीक हुने गरेको पाइएको थियो। यो औषधि गिलिएडले इबोला रोगीका लागि तयार पारेको थियो।