भारतको विरोधमा अनेरास्ववियू र युवा संघ धनकुटाको विरोध र्‍याली

काठमाडौँ- अनेरास्ववियू धनकुटा र युवा संघ नेपाल धनकुटाले भारतले लिपुलेक क्षेत्रमा नेपाली भूमिमा सडक बनाएको विरोधमा सोमबार धनकुटाको मौनाबुधुक र राजारानीमा विरोध र्‍याली निकालेको छ ।

युवा संघ नेपाल धनकुटाका नेता हेमकर्ण कोइराला र अनेरास्ववियूधनकुटाका नेता प्रकाश गिरीको नेतृत्वमा भएको विरोध र्‍याली निकालेको हो ।

र्‍यालीमा प्रदर्शनकारीलाई ठूलो संख्यामा प्रदर्शनकारी रहेकाले कोरोना महामारीको अवस्था हेरेर कम संख्यामा रहन आग्रह गरेको थियो । अनेरास्ववियूू धनकुटाका नेता गिरीले भने राष्ट्रहितमा गरेको र्‍यालीमा प्रहरीले हस्तक्षेप गर्नु दुखद पक्ष रहेको बताएका छन् ।

र्‍यालीमा सहभागीले भारतीय विस्तारवाद मुर्दावाद, कालापानी लिपुलेक र लिम्पियाधुरा हाम्रो हो, सिमा मिच्न पाइदैन लगायत नाराबाजी गरेका थिए। भारतले महाकालीवारी सडक बनाएर नेपालको भूमि मिचेपछि नेपालमा चौतर्फी विरोध भइरहेको छ।