लिपुलेकको सडक भारतीय भूमिमै बनाईएको भारतको दाबी

काठमाडौं – भारतले भारतीय भूमिमै सडक बनाएको दाबी गरेको छ । भारतले नेपाली भूभाग लिपुलेक हुँदै मानसरोवर जाने सडक बनाएर उद्घाटन गरेपछि नेपाल सरकारले आपत्ति जनाएपछि भारतले प्रतिक्रिया जनाउँदै यस्तो बताएको हो ।

भारतीय विदेश मन्त्रालयले शनिबार साँझ वक्तव्य निकालेर यो सडकले कैलाश मानसरोवर यात्राका तीर्थयात्रीहरुले प्रयोग गर्ने पहिलाकै बाटो पछ्याइएको दाबी गरेका छन् ।

भारतीय विदेश मन्त्रालयले नेपाल र भारतको सीमा विवाद समाधान गर्न संयन्त्र बनेको भन्दै कूटनीतिक सम्वादबाट समस्या समाधान गर्न प्रतिबद्ध रहेको पनि बताएको छ ।

Dish_Home
तिब्बतमा रहेको कैलाश मानसरोवर यात्राका लागि उत्तराखण्डस्थित धार्चुला क्षेत्रको पिथौरागढबाट नेपालको दार्चुलाको गुन्जी क्षेत्रबाट लिपुलेक पुग्ने लिंक रोडको भारतले उद्घाटन गरेसँग नेपालमा यसको विरोध भैरहेको छ ।