अमेरिकामा कोरोना महामारी भयावह – एकै दिन २ हजार ५२० जनाको मृत्यु

काठमाडौं-कोरोमा महामारीले अमेरिकामा भयावह हुदै गएको छ । विश्वव्यापी रुपमा फैलिएको यो भाइरसको संक्रमणबाट अमेरिकामा एकैदिन थप २ हजार ५२० जनाको मृत्यु भएको छ ।

गएको २४ घण्टाम कोरोनाका कारण २ हजार ५२० जनाले ज्यान गुमाएसँगै ज्यान गुमाउनेको संख्या ७४ हजार ७९१ पुगेको छ ।

अमेरिकामा एकैदिन २५ हजार ६० बढीमा संक्रमण देखिएसँगै संक्रमितको संख्या १२ लाख ६२ हजार ६९३ पुगेको छ ।

अमेरिकामा संक्रमितमध्ये २ लाख ६ हजार ३८२ जना उपचारपछि निको भएका छन् । ९ लाख ८१ हजार ५२० जना उपचाररत छन् । । १५ हजार ८२१ जनाको अवस्था गम्भीर रहेको छ ।

चीनको वुहानबाट शुरु भएको कोरोना संक्रमण  यूरोपियन मुलुक हुँदै पछिल्लो समय अमेरिकामा तीव्र देखिएको हो ।