ताप्लेजुङ सदरमुकाम फुङलिङमा भिषण आगलागी, १२ घर जलेर नष्ट

ताप्लेजुङ-देशभर लक डाउन भैरहेका बेला ताप्लेजुङको सदरमुकाम फुङलिङ बजारमा शुक्रबार मध्यराति भीषण आगलागी भएको छ।

ताप्लेजुङ जिल्ला प्रहरी कार्यालयका निमित्त प्रमुख प्रहरी निरीक्षक मोहन पोखरेलले दिएको जानकारीअनुसार आगलागी साढे ७ घण्टापछि अघि बिहान साढे ५ बजे नियन्त्रणमा आएको हो।

आगलगाीबाट एक पक्की घरसहित घुम्ती पसलका ससाना घरसमेत गरेर १२ वटा घर पूर्ण रूपमा जलेर नष्ट भएका छन्।

क्षतिको विवरण आउन बाँकि नै छ |

उनका अनुसार ५–६ वटा दमकल, जेसीभी, स्थानीय बासिन्दा, प्रहरी तथा सेना मिलेर आगो नियन्त्रणमा लिइएको हो। फुङलिङ बजारस्थित ट्याक्सी काउन्टर (ट्याक्सी पार्किङ गर्ने स्थल) भन्ने स्थानमा आगलागी भएको उनले बताए।

स्थानीय भट्टराई होटल एन्ड लजबाट शुक्रबार राति १० बजे अचानक आगलागी सुरु भएको थियो।