रोल्पामा भेटिएको बम निस्क्रिय

काठमाडौँ –रोल्पाको त्रिवेणी गाउँपालिका–७ गैरिगाउँमा बाख्रा चराउन गएका बालबालिकाले भेटेको अर्को बमलाई निस्क्रिय पारिएको छ ।

एउटा बम हिजो विष्फोट भएको र अर्काे एउटा विष्फोट नभएकाले दहबनबाट गएको नेपाली सेनाको बम डिस्पोजल टोलीले आज बमलाई निस्क्रिय पारेको हो ।

हिजो भएको बम विष्फोटमा ज्यान गुमाएका रोल्पाको त्रिवेणी गाउँपालिकाका ४ जना बालबालिकाको शव पोष्ट मार्टमका लागि दाङको राप्ती स्वास्थ्य विज्ञान प्रतिष्ठान घोराही पठाइएको छ ।