काठमाडौंसहित केही ठाउँमा पानी पर्न सुरु, मेघगर्जनसहित चट्याङ्ग र हावाहुरीको सम्भावना

काठमाडौं । आज देशभर मौसम बदली भई केही ठाउँमा पानी पर्ने संभावना रहेको मौसम पूर्वानुमान महाशाखाले जनाएको छ ।

पूर्व नजिकै बनेको न्यूनचापिय क्षेत्र, पश्चिमी र स्थानीय वायु तथा बंगालको खाडी र अरब सागरबाट आएको जलवाष्पयुक्त हावाको प्रभावले मेघगर्जन, चट्याङ्ग, हावाहुरी सहित पानी पर्ने सम्भावना रहेको महाशाखाले जनाएको छ ।

यसकै प्रभावले अहिले पश्चिमका केही ठाउँमा पानी परिरहेको छ । यो प्रणाली मध्य हुँदै पूर्व सरिरहेकाले आज काठमाडौंसहित मध्य र पूर्वमा पनि पानी पर्ने सम्भावना रहेको छ ।

अहिले प्रिमनसुन चलिरहेकाले पानी पर्दा मेघगर्जन, चट्याङ, हावाहुरी र कतै असिना पनि पर्ने हुन्छ । यो प्रणालीको असरका आज बिहान काठमाडौं उपत्यकासहित देशका विभिन्न ठाउँमा पानी परेको थियो ।

बैशाख १९ गते (शुक्रबार)

दिउँसोः  देशको पश्चिमी भू-भागमा पूर्ण बदली तथा मध्य तथा पूर्वी भू-भागमा सामान्य बदली रही केही स्थानहरुमा मेघगर्जन/चट्याङ्ग / असिना र हावाहुरी  सहित वर्षाको सम्भावना रहेको छ।

रातीः  देशको पश्चिमी पहाडी भू-भाग तथा मध्य र पुर्वी भु-भागमा सामान्य बदली र अन्य भू-भागमा आंशिक बदली रही पश्चिमी पहाडी भूभागका थोरै स्थानहरुमा र मध्य र पुर्वी भु-भागका केही  स्थानहरुमा  मेघगर्जन/चट्याङ्ग / असिना र हावाहुरी  सहित   वर्षाको सम्भावना रहेको छ।

बैशाख २० गते (शनिबार)

दिउँसोः  देशको पश्चिमी पहाडी भू-भाग तथा मध्य र पुर्वी भु-भागमा सामान्य बदली र अन्य भू-भागमा आंशिक बदली रही देशका पहाडी भूभागका केही  स्थानहरुमा  मेघगर्जन/ चट्याङ्ग / असिना र हावाहुरी  सहित वर्षाको सम्भावना रहेको छ।

रातीः  देशको पहाडी भू-भागमा सामान्य बदली तथा पुर्वी तराइ भू-भागमा आंशिक बदली रही वाँकी भू-भागमा मौसम सामान्यतया सफा रहने छ । देशका पश्चिमी र पुर्वी पहाडी भूभागका केही  स्थानहरुमा र मध्य भू-भागका एक वा दुई स्थानहरुमा मेघगर्जन/ चट्याङ्ग / असिना र हावाहुरी  सहित वर्षाको सम्भावना रहेको छ ।

बैशाख २१ गते (आइतबार)

दिउँसोः  देशको अधिकांश भू-भागमा सामान्य बदली रही केही स्थानहरुमा मेघगर्जन/चट्याङ्ग / असिना र हावाहुरी  सहित वर्षाको सम्भावना रहेको छ।

रातीः  देशको अधिकांश भू-भागमा सामान्य बदली रही पश्चिमी र मध्य भूभागका थोरै स्थानहरुमा र  पुर्वी भु-भागका एक वा दुई  स्थानहरुमा  मेघगर्जन/चट्याङ्ग / असिना र हावाहुरी  सहित   वर्षाको सम्भावना रहेको छ।

आगामी २४ घण्टाका लागि चेतावनी तथा परामर्श (Warning/Advisory for next 24 hrs):

देशका केहि स्थानहरुमा  मेघगर्जन/चट्याङ्ग /असिना र हावाहुरी  सहित वर्षाको सम्भावना रहेकोले आवश्यक सतर्कता अपनाउन हुन अनुरोध छ ।