भारतीय सीमा क्षेत्रमा उच्च सतर्कता, रुपन्देही सीमा क्षेत्रमा १ हजार सशस्त्र प्रहरी परिचालन

बुटवल – जिल्ला प्रशासन कार्यलय रुपन्देहीले कोरोना संक्रमण भित्रिन नदिन भारतीय सीमा क्षेत्रमा १ हजार  सशस्त्र प्रहरी परिचालन गरेको छ ।

सुरक्षा सतर्कता उच्च बनाउदै बेलहिया भन्सार नाकाबाट खाद्यान्नका मालबाहक सवारी साधनबाहेक भारतसँग सीमा जोडिएको रुपन्देहीको दक्षिणी भेगबाट कसैलाई पनि प्रवेश गर्न नदिएको प्रशासनको दावी छ ।

बेलहियादेखि कपिलवस्तुको सीमा क्षेत्रसम्मको ६० किलोमिटर दूरीमा ८९ वटा अस्थायी चेकपोष्ट छन् ।

एउटा पोष्टबाट अर्को पोष्टसम्म मानिस आउजाउ गरेको देख्न सकिने गरी पोष्ट खडा गरी चौबीसै घण्टा ड्युटी गर्ने गरी १ हजार प्रहरी तैनाथ गरिएको सशस्त्र प्रहरी बलका प्रहरी उपरीक्षक तेजप्रसाद पोखरेलले बताए ।