भारतमा कोरोना संक्रमित ३३ हजार नाघ्यो

भारत – भारतमा कोरोना भाइरसबाट संक्रमित हुनेको संख्या ३३ हजार कटेको छ । बुधबारमात्रै भारतमा १ हजारभन्दा ७३८ बढी संक्रमित फेला परेका छन् ।

त्यस्तै बुधबारमात्रै कोरोना भाइरसबाट संक्रमित ७१ जनाभन्दा बढीको मृत्यु भएको छ । योसँगै भारतमा मृत्यु हुनेको संख्या १०७९ पुगेको छ । संक्रमितमध्ये ८ हजार ४३७ जना निको भएर घर फर्किएका छन् । गम्भीर कति छन् त्यसबारे भने रिपोर्ट दिइएको छैन ।

भारतमा यसरी दिन प्रतिदिन नयाँ नयाँ संक्रमितहरू थपिँदै जानु चुनौतीपूर्ण भएको यहाँका स्वास्थ्य अधिकारीहरूले जनाएका छन् । भारतको राजस्थान, तामिलनाडू, मध्यप्रदेश र केरला राज्यमा उच्च संख्या कोरोना संक्रमित रहेका जनाइएको छ ।

भारतमा संक्रमण बढदै गएपछि सरकारले कोरोना भाइरस ९कोविड–१९० को संक्रमण रोक्नको बन्दाबन्दी ९लकडाउन० लाई आगामी मे महिनाको ३ तारिखसम्म लम्ब्याएको घोषणा गरेको छ ।