भारतमा कोरोना संक्रमित एकै परिवारका ८ जना नेपाली निको भए

नयाँ दिल्ली – कोरोनाका कारण बिरामी परेका भारतमा रहेका एकै परिवारका ८ जना नेपाली निको भएका छन् । अछामको चैरपाटी घर भइ भारतको मुम्बइमा बस्दै आएको नेपाली परिवारका आठ सदस्य कोरोना संक्रमण भएर निको भएर घर फर्किएका हुन् ।

घर मुली, उनकी श्रीमती, दुई छोरी, तीन भाइ र एक भतिजामा कोरोना संक्रमण देखिएको थियो । उनीहरु झण्डै साढे तीन साताको अस्पताल बसाइँपछि मुम्बईस्थित घरमा फर्किएका बीबीसीले जनाएको छ ।