फ्रान्समा लकडाउन खुकुलो

एजेन्सी – फ्रान्समा लकडाउन खुकुलो बनाईएको छ । तर, मास्क लगाउन भने अनिवार्य गरिएको छ । विद्यालयहरु विस्तारै खुल्दै जाने र ११ देखि १५ वर्षका विद्यार्थीहरुलाई मास्क अनिवार्य गरिने त्यहाँको सरकारी अधिकारीले बताएका छन् ।

पसल र बजार खुल्ने छन् भने वार र रेष्टुरण्टहरु बन्द रहने छन् । पसलहरुमा पनि मानिसहरु बीच एक मिटरको दूरी अनिवार्य गरिएको छ ।

सार्वजनिक स्थलहरुमा दश जनासम्म मानिस जम्मा हुन पाउने छन् । आगामी मे ११ बाट लकडाउन खुकुलो बनाईने भएपनि सार्वजनिक यातायात र विद्यालयहरुमा मास्क अनिवार्य गरिने प्रधानमन्त्री एडुवार्ड फिलिपले बताएका छन् ।

संसदमा सम्बोधन गर्दै उनले लकडाउनका कारण प्रत्येक महिना करिब ६२ हजार मानिस बचाउन सकिएको बताए । तर अब अर्थतन्त्रलाई धराशायी हुनबाट बचाउन लकडाउउन खुकुलो बनाउने समय आएको उनको भनाई थियो ।