सर्वेन्द्र खनाललाई अपहरणकारी भनेपछि नेविसंघ नेतृ हिरासतमा

काठमाडौँ- प्रतिपक्षी नेपाली कांग्रेसको भातृसंगठन नेपाल विद्यार्थी संघकी एकजना नेतृ पूर्व प्रहरी महानिरीक्षक सर्वेन्द्र खनाललाई अपहरणकारी भनेपछि पक्राउ परेकी छन्। पक्राउ पर्ने नेतृ नेविसंघकी प्रदेश २ की नेतृ रीता रिजाल हुन् ।

खनालको नाम जोडेर अपहरणकारी भन्दै सामाजिक संजाल फेसबुकमा लेखेपछि रिजाललाई प्रहरीले मंगलबार बारा सिमराबाट पक्राउ गरेर हिरासतमा लिएको थियो । प्रहरीले उनीविरुद्ध ‘साइबर क्राइम’ मुद्दा चलाउने तयारी गरेको छ।

नेविसंघ कार्यकर्ता र केही समर्थकहरुले भने उनलाई रिहा गर्न माग गरेका छन्।

फेसबुकमा लेखेकै आधारमा पक्राउ गर्न नमिल्ने भन्दै उनीहरुले तत्काल रिहा गर्न माग गरेका हुन् ।