न्यूयोर्कका औषधी पसलहरुमै कोरोना परीक्षण गर्न सकिने

काठमाडौं – अमेरिकाको न्यूयोर्कका औषधी पसलहरुलाई कोरोना परीक्षणको अनुमति दिइएको छ । राज्यका करिब ५ हजार औषधी पसलमा कोरोना परीक्षण हुने राज्यका गर्भनर एन्ड्रयू कुओमोले बताए । दैनिक ४० हजार परीक्षण गर्ने लक्ष्य लिइएको पनि उनको भनाई छ ।

संक्रमणको कुनै लक्षण नदेखिएका प्रहरी, दमकलकर्मी, बस चालक, पसलमा काम गर्नेलगायत अत्यावश्यक सेवामा खटिने सबैको कोरोना परीक्षण गर्न निर्देशन दिइएको गर्भनर कुओमाले बताए ।

शनिवार मात्र न्यूयोर्कका चार अस्पतालमा एण्टीवडी स्क्रीनिङ शुरु गरिएको छ । अस्पतालहरुमा विरामी भर्ना हुनेको संख्या घट्दै जांदा कोरोना संकट कमजोर हुन शुरु भएको संकेत मिलेको उनको भनाई थियो । अमेरिकामा कोरोनाबाट मृत्यु हुने मध्ये एक तिहाई न्यूयोर्कका छन् ।